Səudiyyə Ərəbistanı və Kanadadan 5 il sonra yeni qərar

Səudiyyə Ərəbistanı və Kanada 5 ildən sonra diplomatik münasibətlərini yaxşılaşdırmaq qərarına gəliblər.

Arazmedia.az xəbər verir ki, Səudiyyə Ərəbistanı və Kanada 5 ildən sonra diplomatik münasibətlərini yaxşılaşdırmaq üçün addımlar atacaq. 

Səudiyyə Ərəbistanı Xarici İşlər Nazirliyindən edilən yazılı açıqlamada, Vəliəhd Şahzadə Məhəmməd bin Salman və Kanadanın Baş naziri Castin Tredeunun keçirdiyi görüşlər işığında iki ölkə arasında diplomatik əlaqələrin qurulmasına qərar verildiyi bildirilib.

Açıqlamada danışıqların 2022-ci ilin noyabrında Tailandın paytaxtı Banqkokda keçirilən Asiya Sakit Okean İqtisadi Əməkdaşlıq Təşkilatının (APEC) Sammiti çərçivəsində aparıldığı və bu qərarın dövlət başçısının istəyi çərçivəsində qəbul edildiyi vurğulanıb.

Kanadanın o vaxtkı xarici işlər naziri Kristia Frilandın 2018-ci ilin avqustunda Səudiyyə Ərəbistanındakı insan haqlarının vəziyyəti ilə bağlı tvit atması Ər-Riyad rəhbərliyinin reaksiyasına səbəb olmuşdu.

Frilandın vəzifəsini daxili işlərinə müdaxilə kimi qiymətləndirən Səudiyyə Ərəbistanı Xarici İşlər Nazirliyi Kanada ilə bütün diplomatik və ticarət əlaqələrini kəsmək qərarına gəlib, Kanada səfirini ölkədən çıxarıb və uçuşları dayandırıb.