Arazmedia.az xəbər verir ki,Qaradağ
rayon Ələt qəsəbəsində qəsəbə sakinlərinin maddi və mənəvi əziyyəti ilə, qəsəbə daxilində şəhidlər üçün park tikilmək üzrədir. Sakinlərdən əldə etdiyimiz məlumata görə, Qaradağda fəaliyyət göstərən bir-çox idarə və təşkilatlar nədənsə susur, özünü görməməzliyə qoyaraq, nə maddi, nə də mənəvi bir kömək göstərmirlər, bu parkın tikintisinə.
Qeyd etmək istərdik ki, tək Ələt qəsəbəsinin daxilində bir neçə maddi durumu yaxşı olan şirkətlər fəaliyyət göstərir. Bunlardan ən nəhəngi,”Bakı Beynəlxalq Ticarət Dəniz Limanıdır”.Bu liman, Ələt qəsəbəsinin çörəyini yeyir, bu qəsəbədən lazımınca faydalanır… Bəs nə üçün qəsəbədə sakinlər tərəfindən tikilməkdə olan “Ələt Şəhidlər Parkı”-na dəstək olmur? Bəlkə məlumatları yoxdur? Yoxdursa o zaman xatıradaraq diqqət və nəzərinizə çatdırırıq.
Sakinlər öz maddi gücləri hesabına, mənəvi alın təri hesabına isti yay aylarında istər cavan, istərsə də yaşlı nəsillərin nümayəndələri gecə bilmədən, gündüz demədən sözügedən parkın tikintisi üçün yaşından asılı olmayaraq, hər kəs işləyir, can qoyur ki, sözügedən park tez bir zamanda hazır olsun.
Ələt qəsəbəsində xeyli sayda fəaliyyət göstərən saxta “JEK”lər və digər zavod və təşkilatlar nə üçün susur? Niyə dəstək olmur? Bu yazını görən hər bir imkanlı şəxslər, Qaradağda yeyinti mənbəyinə çevrilən idarə və təşkilatlar gedin əraziyə baş çəkin,qəsəbə sakinlərinə dəstək olun! Əks halda qəsəbənin çörəyi sizə halal olmaz.
Əziz izləyicilər, yazını hər birinizdən paylaşmağı və paylaşaraq səsimizi daha böyük dairələrə çatdırmağınızı xahiş və tələb edirik.
Sonda ümid edirik ki, adını qeyd etdiklərimiz sakinlərə bu işdə dəstək olacaqlar.
Hacıağa Qayıbov
Arazmedia.az
