İran və Azərbaycan Hərbi Dəniz Qüvvələri bu gün Xəzər dənizində birgə hərbi təlim keçirəcək.
Arazmedia.az xəbər verir ki, bu barədə İran mətbuatı məlumat yayıb.
“Sülh və dostluq naminə əməkdaşlıq” naminə baş tutuan təlimdə axtarış-xilasetmə əməliyyatları keçiriləcək.
İran və Azərbaycan arasında növbəti birgə hərbi təlimin məqsədi terrorizmlə mübarizə, Araz çayı bəndinin mühafizəsinin təmin edilməsi, təcrübə mübadiləsi və əməkdaşlığın səviyyəsinin yüksəldilməsidir.
Bu, iki ölkənin belə formatda ilk hərbi təlimidir. İndiyədək təlimlər əsasən dəniz səviyyəsində keçirilirdi və çoxtərəfli xarakter daşıyırdı.
Qeyd edək ki, 2023-cü ilin sentyabrında İran və Azərbaycan arasında hərbi əməkdaşlığın inkişafı üzrə komissiyanın 3-cü iclası keçirilib, iclasda hərbi sahədə əməkdaşlıq məsələləri də müzakirə edilib.
