Saatlı Rayon Polis Şöbəsi əməkdaşları tərəfindən rayon ərazisində fərdi yaşayış evinin həyətində təyin olunan qaydaları pozaraq toy məclisinin keçirildiyi müəyyən edilib.
Daxili İşlər Nazirliyinin mətbuat xidmətinin Şirvan regional qrupundan verilən məlumata görə, Fətəlikənd sakini İsmayıl Bayramovun və Şirinbəy kənd sakini Rəhman Şakirovun normadan artıq sayda qonağın iştirakı ilə toy məclisi keçirdiyi aşkarlanıb.
Aşkarlanan qayda pozuntusu ilə bağlı ev sahibləri ilə profilaktik söhbətlər aparılıb və barələrində qanunamüvafiq tədbirlər görülüb.